ئاسایشی خۆراک
.jpg)
ئاسایشی خۆراک بریتییە لە بەردەستبوونی خۆراک لە وڵاتێکدا (یان ناوچەیەکی جوگرافیای تر) و توانای تاکەکانی ناو ئەو وڵاتە (ناوچە) بۆ دەستڕاگەیشتن، توانای کڕین و سەرچاوەی خۆراکی گونجاو. بەردەستبوونی خۆراک بەبێ گوێدانە چین و ڕەگەز و ھەرێم توخمێکی دیکەی ئاسایشی خۆراکە. بە ھەمان شێوە ئاسایشی خۆراکی ماڵان کاتێک بە بوونی دادەنرێت کە ھەموو ئەندامانی خێزانێک، لە ھەموو کاتێکدا، دەستیان بە خۆراکی پێویست بگات بۆ ژیانێکی چالاک و تەندروست.[١] ئەو کەسانەی کە خۆراکیان پارێزراون لە برسێتی و ترسی برسێتیدا ناژین. لە لایەکی دیکەوە نائاسایشی خۆراک وەک دۆخێک پێناسە دەکرێت کە «بەردەستبوونی سنووردار یان نادڵنیایی خۆراکی گونجاو و سەلامەت لە ڕووی خۆراکییەوە یان توانای سنووردار یان نادیار بۆ بەدەستھێنانی خۆراکی قبوڵکراو بە شێوازی پەسەندکراوی کۆمەڵایەتی».[٢] ئاسایشی خۆراک پێوەرێک لە خۆڕاگری لەخۆدەگرێت بەرامبەر بە پچڕانی داھاتوو یان بەردەستنەبوونی دابینکردنی خۆراکی گرنگ بەھۆی ھۆکارە مەترسیدارە جیاوازەکانەوە لەوانە وشکەساڵی، پچڕانی کەشتیوانی، کەمیی سووتەمەنی، ناسەقامگیری ئابووری و شەڕەکان.[٣]
سەرچاوەکان[دەستکاری]
- ^ "Food Security in the United States: Measuring Household Food Security". USDA. Archived from the original on 2019-11-22. Retrieved 2008-02-23.
- ^ Gary Bickel; Mark Nord; Cristofer Price; William Hamilton; John Cook (2000). "Guide to Measuring Household Food Security" (PDF). USDA Food and Nutrition Service. Archived from the original (PDF) on 4 November 2013. Retrieved 1 November 2013.
- ^ "The State of Food Insecurity in the World 2013. The multiple dimensions of food security" (PDF). FAO. Archived (PDF) from the original on 22 December 2018. Retrieved 26 November 2013.
 |
کۆمنزی ویکیمیدیا، میدیای پەیوەندیدار بە ئاسایشی خۆراک تێدایە. |